Aşağıda fənlərin iki qrupda texniki və humanitar kimi təsnifləşdirildiyi görünür. Çox zaman təsnifat qrupundan asılı olaraq dinamik siyahının əldə olunması lazım gəlir. Bunun əldə edilmə ardıcıllığına nəzər salaq. Əvvəlcə siyahımıza ad təyin edək.
Təsnifat qruplarını alt qrupları ilə birlikdə seçirik və "Ctrl+Shift+F3" və buradan "Top row" -nu işarə edirik və beləliklə "A2:A5" diapozonu "Texniki" , "B2:B5" isə "Humanitar" adı ilə adlandırılmış olacaq. "A1:B1" xanalarına da eyni qayda ilə "Sahə" adı təyin edilir. (adları Formulas/Defined Names/Create from Selection-dan da təyin edə bilərsiniz.) (Qeyd: bu adlar birinci səhifəmiz olan "Sheet1"-də tərtib edilir.)
İkinci səhifəmiz olan "Sheet2"-də "A2" xanasını aktivləşdirərək Data/Data Tools/Data Validation-da "Source"-a az əvvəl təyin etdiyimiz "Sahə" adını yazırıq və enter.
İndi "A2" xanasında "Texniki" və "Humanitar" adlarını siyahıdan seçmək mümkündür. Indi isə uyğun təsnifat adlarına uyğun olaraq dinamik siyahımızı "B2" xanasında təyin edək. (indirect() funksiyasından istifadə edərək. Bu funksiya "A2" xanasında siyahıdan seçiləcək olan təsnifat adına uyğun siyahını əldə etməyə imkan vermiş olacaq.)
Nəticə olaraq aşağıdakı şəkildə "A2" xanasında Texniki qrupu seçilib və "B2" xanasında da uyğun siyahısı görünür.
Burada isə "A2" xanasında "Humanitar" qrupu seçildiyi üçün "B2" xanasında uyğun olaraq onun alt qrupu görünür.
| 
