Adi formulun makrosla xanaya daxil edilməsi qaydası ilə artıq tanışsınız. Bəs Massiv formulunu xanaya makrosla necə daxil etmək olar?

Adi formul ilə ortalama ə/h artımını tapmaq üçün başqa bir sütunun köməyilə (məsələn "E"-sütunu ilə) hər bir işçi üzrə ə/h artımını taparaq həmin alınan rəqəmlərin ortalamasını tapmaq lazım gəldiyi halda, massiv formulunun köməkliyi ilə isə bu cür sətir və sütunlara ehtiyac duyulmadan nəticəni əldə etmiş olursunuz. Artıq bildiyimiz kimi massiv formulları "Ctrl+Shift+Enter" kombinasiyası ilə daxil edilir. (Qeyd, burada Average()-funksiyasından istifadə edmədən də adi qaydada bir xanada sum() və countif()-funksiyalarının köməkliyi ilə orta ə/h artımını da hesablamaq olar). Bildiyimiz kimi Range("D2").Formula = "=Average(B2:C2)" tipli yazılış burada bizə "D2" xanasına adi bir funksiyanı daxil etməyə imkan verir. Hər hansı bir massiv formulunu makros vasitəsilə daxil etmək üçün yazılışdadkı "Formula" əvəzinə "FormulaArray" yazılışından istifadə edilir. Formulu excel cədvəlində tərtib etdikdən sonra "F2"-ilə formul olan xanaya daxil olaraq oradakı mətnin hamısını "Copy" edib yazılışda istifadə edə bilərsiniz.

Sub Massiv_Formul()
Range("B7").FormulaArray = "=AVERAGE(C2:C4-B2:B4)"
End Sub